بعد فك الحظر.. 5 حاجات تحميك من فيروس كورونا في الشارع

صحيح إن الدولة قررت تنهي فترة الحظر، والناس بدأت تنزل تصلي في دور العبادة، ورجعنا تاني نقعد على القهوة، لكن ده مش معناه إن كورونا انتهى، بالعكس دا معناه إننا لازم نتعايش بحذر وناخد بالنا كويس قوي من الحاجات اللي ممكن تسبب الإصابة ونتفاداها، يعني كل دا متوقف على حاجة واحدة بس.. “وعي المواطن”.

دلوقتي حضرتك لما تنزل من البيت ، فيه شوية حاجات لابد تكون معاك عشان تحمي نفسك، شنطة صغيرة فيها أدوات بسيطة يمكن توفر عليك كتير، وهتحس بالأمان في تعاملاتك اليومية.

من دلوقتي لازم تبتدي تجمعها.. ولو مش عندك في البيت اشتريها عن طريق متاجر الأونلاين.

1- الكحول والكمامة والجلافز

دول من أساسيات النزول يعني استغناءك عنهم معناه إنك معرض في كل لحظة للإصابة عشان كده لام تحط في شنطتك كمامات وجلافز احتياطي، وعبوة كحول لتعقيم مكتبك مثلًا.

2- سجادة الصلاة

دلوقتي إنت لما تنزل تصلي في الجامع لازم تاخد بالك من المسافات اللي بينك وبين المصلي اللي جنبك، واحتياطي يكون معاك سجادة الصلاة الخاصة بيك عشان تصلي عليها، آه القائمين على خدمة الجامع بيعقموه، لكن إنت كمان لازم تعمل اللي عليك بشوية حذر زيادة.

3- صابون أو هاند جيل

وجودك في أي مكان يحتم عليك – لو مش متوفر الكحول- إنك تستخدم الصابون والميه دايمًا في غسل إيديك باستمرار، خاصة لو في المطاعم، ولو مفيش مية ممكن تشتري هاند جيل.

ولمعلوماتك اكتشفوا إن مطاعم التيك آواي لعبت دور كبير في نقل العدوى، لإن COVID-19 بيتنقل عن طريق قطرات ممكن تتنقل بالرذاذ أو هوا التكييف عشان كده حاول تقعد في أماكن مفتوحة.

4- أدوات الاستعمال الواحد

حاول تشتري أدوات تستخدمها لأول مرة، زي كبايات مخصصة لشرب الشاي أو أطباق فويل، وممكن كمان معالق وشوك وسكاكين بلاستيك عشان تضمن إن العدوى متوصلش ليك لو استخدمت أدوات متاحة للجميع سواء في القهوة اللي عايز تقعد عليها أو في الشغل.

5- مناديل وفوط شخصية

من المؤكد إنك لما تدخل أي حمام وتستخدم الميه محتاج تنشف إيدك، هنا بقى نعقل قبل ما نستخدم حاجات لمسها حد قبلنا، حاول تاخد معاك فوطة شخصية أو مناديل.

نبذة عن موقع وفرإكس:

في دقيقة واحدة انضم لوفرإكس، وليك  هدية  2.50 دولار أول ما تسجل حسابك الخاص على وفرإكس، وشوف العروض والخصومات من المتاجر في مصر وبره مصر، وببساطة هتروح لموقع المتجر لما تدوس على تسوق الآن في  وفر إكس، ولما تتم عملية الشراء هيرجعلك كاش باك على جميع مشترياتك.

يمكن أن يساعدك وفرإكس على توفير المزيد من طلباتك من سوق.كوم، ونقدم لك نسبة مئوية من إجمالي الطلب في صورة كاش باك.

تابع العروض والكوبونات اللي على وفر إكس لمتجر جوميا .