إزاي تحلق شعر ودقن في البيت؟

من المشاكل اللي ظهرت بعد فيروس كورونا إن محلات الحلاقة معظمها قفلت، وحتى لو فيه صالون حلاقة عمل احتياطاته الزبون مبقاش موجود، النوع ده من الزباين اللي قاعد في البيت في فترة الحظر إما ساب شعره ودقنه يطولوا لحد ما بقى شبه الإنسان البدائي، أو قرر بشجاعة منقطعة النظير إنه يحلق لنفسه بنفسه، ودي مغامرة عايزة قلب حديد.

أول حاجة لازم تعملها قبل حلاقة شعرك تختار ماكينة حلاقة مناسبة، لو دورت في موقع جوميا هتلاقي كل اللي إنت عايزه، وبتخفيضات كبيرة، المهم وأنت بتشتري ركز مع مزايا كل ماكينة عشان تسهل على نفسك.

خد مثلًا ماكنة Braun MGK5080 نازلة بخصومات 26%، ودي ماكنة شاملة ممكن تعمل بيها 9 حاجات منها مثلاً حلاقة شعر الراس، تظبط الدقن بالطول اللي انت عايزه، تخفف الجوانب.

بعد ما تشتري ماكنة الحلاقة قدامك خيارين، إما انك تحلق بإيدك أو تخلي المدام أو ماممتك هي اللي تحلقلك، بس في الحالتين اوعى تندم.. ها اوعى.

أول حاجة لازم تعملها انك تغسل شعرك بالشامبو والبلسم تحت الحوض، الحكاية دي مهمة جدًا عشان تسهل عملية حلاقة الشعر خصوصًا لو شعرك كيرلي مش مفرود، وبعد ما تخلص هتعمل نفس الحكاية لازم تغسله كويس، وبلاش تحلق في مكان غير الحمام عشان تحافظ على نظافة الشقة مش هتلاقي حد ماشي في بيتكم بيلم الشعر اللي اتقص من الأرض زي صالون الحلاقة.

لو شعرك قصير جدًا تستخدم درجة حلاقة 2، هتبقى قريب من لوك عمرو دياب الأخير، ولو شعرك طويل قسمه راسك بالمشط الجناب والمنطقة اللي في النص، الحكاية دي هتخليك تركز في كل منطقة في شعرك.

ابدأ بالجوانب الأول واطلع بالمكنة من تحت لفوق بزاوية بسيطة، بعد كده حط وراك مراية تانية غير اللي انت باصص فيها، عشان تحلق الجزء اللي ورا بنفس الطريقة، يعني الجوانب واسفل راسك نفس الدرجة.

اوعى تستخدم مقص البيت العادي في الحلاقة، لازم مقص تصفيف بييجي مع ماكنة الحلاقة، وباستخدم المشط او صوابعك اختار المنطقة اللي هتقصها في حدود ربع بوصة تقريبًا، حاول متزودش عشان انت في النهاية مش حلاق محترف.

بعد ما تخلص بص على جوانب شعرك، وركز لو فيه منطقة زيادة شيلها بالمقص والماكنة عشان تتساوى، وبعد كده ظبط السوالف بالطول المناسب ليك.

نيجي بقى للدقن، لو ككنت بتحلقها بالموس مش هتتعب كتير لو استخدمت شفرات الحلاقة المعتادة، أما لو دقنك طويلة استخدم المكنة بدرجات متفاوتة، من السوالف لمنطقة الخد درجة نص أو زيرو، بعد كده استخدم درجة 2 عند الفكين والدقن، وبالمقص ساوي الأطراف.

بعد ما تخلص استخدم زيت اللحية عشان شعر الدقن عشان النمو واللمعان، نازل بخصم 50% مع جوميا ومعاه هدية مشط ومقص.