سفرية الخريف ب 2215 جنية بس!

محظوظين فى مصر ان عندنا اماكن سياحية مختلفة لكل فصل فى السنة وبما اننا داخلين على فصل الخريف تعالوا نشوف اية افضل الاماكن فى مصر اللى ممكن نستمتع بخريف مختلف فيها.

من المعروف عن الخريف انه مناسب للتخيم فى الصحراء والواحات والنهاردة هنكلمكم عن السفر لافضل واشهر واحه فى مصر وهى واحة سيوة

هنعرفكم تكلفة السفرية كاملة وازاى نستمتع بيها ونخليهم 4 ايام ميتنسوش

لو دخلنا على موقع بوكينج وبحثنا عن اسعار الفنادق فى سيوة هنلاقى ان فندق NaInshal Siwa المميز فى وسط سيوة تكلفته للفرد فى الاربع ايام 1895 جنية شامل الفطار

وبما انك هتكون فى وسط سيوة هتكون قريب من كل الاماكن الاثرية والطبيعية المشهورة بها سيوة

تقدر من اول يوم تستاجر عجلة سعرها 80 جنية يوميأ يعنى 320 جنية فى ال 4 ايام وهى هتساعدك تزور كل الاماكن ومتضيعش اى وقت

فى اول يوم ممكن تزور قلعة شالى الشهيرة فى وسط سيوة المصنوعة بالكامل من الملح و لما بتصعد لقمتها تقدر تشوف سيوة كاملة وبترجع فكرة انشائها لهروب الامازيغ من ملوك الدول الافريقية تاريخيا وانشاء قلعة شالى كان للاختباء من بطش الجيوش بالامازيغ سكان سيوة الأصليين (لا يوجد اى تذكرة للدخول للقلعة)

وبعد ما تشوف الغروب من فوق القلعة تقدر تنتقل لمكان اخر للتجهيز لوجبة العشاء وده هيودينا لكامب على خالد الشهير باكلة المردم الشهيرة (دفن الاكل فى الرمال الساخنة للتسوية بابطء طريقة ممكنة) 

بمجرد الدخول للكامب هتستمتع بالحفلات القائمة على الاغانى السيوية المختلطة بالبدوية بسبب اختلاط الثقافة الامازيغية بالبدوية (اهل مطروح) وهتقدر كمان تستمتع بمشاهدة النجوم بمجرد الانتهاء من العشاء من داخل كامب على خالد

-تكلفة العشاء فى كامب على خالد او اى كامب اخر يقدم المأكولات فى سيوة تتراوح ما بين 100 الى 150 جنية للوجبة

وبكدة نكون انتهينا من اليوم الاول وهنرجع ننام عشان نجهز لليوم الثانى.

-فى اليوم التانى نقدر نستغل حرارة الشمس بالذهاب للبحيرات المالحة على بعد كيلو ونص فقط من وسط سيوة ( 20 دقيقة بالعجلة) وعمل جلسات العلاج على شكل العوم فى البحيرات المالحة ودى تجربة فريدة من نوعها بسبب كثافة الملح العالية فى المياة اللى بتمنع اى شخص من الغرق حتى ان كان طفل وفى نفس الوقت بيساعد الملح فى علاج جميع المشاكل الخاصة بالجلد والمساعدة فى علاج مشاكل العظام

وبعد انتهاء من تجربة البحيرات المالحة هنكون على ميعاد ليلا مع النزول لبئر المياة الاكثر سخونة فى سيوة (امان يقدن) وهو الكامب الموجود على اكثر الأماكن السكنية ارتفاعا عن سطح البحر فى سيوة واللى بيقدم اشها الوجبات المشوية بنفس الاسعار الخاصة بالعشاء فى كل الاماكن بسيوة وبسبب الارتفاع الكبير عن سطح البحر لكامب امان يقدن تصبح المياة اشد سخونة مما يساعد على الاسترخاء وخروج الطاقة السلبية من الجسم واللى هيساعدك فى الدخول فى نوم عميق استعدادا لليوم الثالث المخصص لزيارة الاماكن الاثارية والاستمتاع بالغروب.

فى اليوم التالت يجب زياراة معبد امون واللذى اصبح فيما بعد قلعة للاسكندر الاكبر بعد الوصول لسيوة .

يبعد معبد امون او قلعة الإسكندر عن وسط سيوة مسافة تصل الى 2.5 كيلو متر وتقدر تقطع المسافة باستخدام العجلة فى مدة اقل من النصف ساعة وبمجرد الوصول للمعبد سوف تجد لوحة من الحجارة لتشرح لك تاريخ المعبد والعصور التم تطويره فيها وبمجرد الدخول الى المعبد ومشاهده الفرندة زات المساحة الشاسعة اللتى كانت مخصصة من قبل لجلوس الاسكندر بها ليلا والتأمل فى مكان يقع فى منتصف مساحة زراعية كبيرة عبارة عن عدد مهول من النخيل وايضا تطل على بحيرات مياة شديدة الملوحة متقاربة جدا من النخيل فى مشهد يصعب تخيله ولا يجب اللى مشاهدته

ليلا يمكن الذهاب الى التخيم فى الصحراء ومشاهدة النجوم باعداد مهولة كما لم تشاهدها من قبل فى مصر غير فى وادى الحيتان المخصص لمشاهدة النجوم ويمكن ان تستمتع بوجبة العشاء فى قلب الصحراء وسط النجوم ايضا بنفس سعر وجبة العشاء فى اى مكان فى سيوة او يمكن تجربة شواء طعامك بنفسك على الحطب فى منتصف الصحراء.

وكدة نكون وصلنا لليوم الرابع والاخير واللى هيكون مخصص لمشاهدة الغروب من جزية فطناس وهى اخر بحيرة تغرب عنها الشمس فى مصر .

يمكن فى النهار الذهاب اللى ابار المياة الكبريتية الطبيعية المخصصة لمعالجة الامراض الجلدية مثل بئر كليوباترا الشهير فى سيوة واللى بيبعد مسافة 5 كيلو متر عن منتصف سيوة وبعد الانتهاء من الاستحمام فى المياة الكبريتية وشرب العصائر السيوية المميزة مثل البلح باللبن والاعشاب السيوية نقدر نروح الى احد افضل الجزر الموجودة فى مصر ان لم تكون افضلهم وهى جزيرة فطناس .

وبمجرد الانطلاق فى الطريق الى جزيرة فطناس سوف تكون على موعد مع احد افضل المناظر الطبيعية المختلفة طوال الطريق اللذى ينتهى دائما بظهور الشمس كما لو انك ذاهب الى الشمس نفسها بسبب ذهابك غربا وقت غروب الشمس ومشاهدة الشمس فى نهاية طريق طويل وديق على جانبيه اعداد مهولة من النخل الى ان ينتهى بك الطريق فجاه فى حارة اديق على جانبيها مياء ملحة تعلن بداية وصولك الى جزيرة فطناس الشهيرة وبعد السير لمدة خمس دقائق فى الطريق على جانبيك المياة المالحة تصل اخيرا الى جزيرة فطناس الشهيرة ب (جزيرة الخيال)  المليئة بالنخيل والطيور المهاجرة باشكالها المختلفة وخصوصا طائر ال الفلامنجو فى منتصف بحيرة شاسعة المساحة ويمكنك من جزيرة فطناس مشاهدة افضل مشهد لغروب الشمس يمكن مشاهدته فى مصر بسبب هبوط الشمس خلف المياة اللتى تكون انت على طرفها الاخر بالتالى سوف تستمتع بمشهد غروب خيالى 

تقدر تشوف عروض أكتر لأماكن أكتر من بوكينج لو دوست هنا