The Savings Seeker Blog

5 حاجات عشان تصيف في البيت.. عادي أهو

الصيف خلاص على الأبواب، الناس بدأت تفيش الهوامش وتخزن الهدوم الشتوي والبطاطين، وكله قاعد ومستعد لرحلات السفر والمصايف، وحفلات الهضبة وتامر حسني في الساحل، والسينمات اللي بتنزل أحلى الأفلام في السنة، لحظة واحدة كل ده أحلام وطموحات، اوعى فرحتك بنهاية تكتكة الشتا في البيت تنسيك إن الانطلاق بتاع الصيف متأجل لحد ما تنتهي أزمة فيروس كورونا.

فاكر إنت عادل إمام في فيلم الأفوكاتو، كان عامل دور المحامي حسن سبانخ اللي بدل الزنزانة مع حسين الشربيني عشان يتمتع بالمميزات اللي فيها، لبس المايوه وقعد في البانيو، والبحر جاله لحد عنده، حتى الشاويش عبد الجبار عمل بياع فريسكا، تركيبة المشهد الهزلي ده كان ممكن متحصلش في الواقع لولا “وفرإكس”، وانت في البيت نجيبلك الصيف لحد عندك في البيت وكمان نوفرلك فلوسك.

1- اعمل اسكندرية في البيت

ممكن تعمل في شقتك حمام سباحة على قدك، هتلاقي في جوميا وسوق حمامات سباحة بتتنفخ هواء، املاها مية وانزل فيها وعيش وانتعش، بلبط كأنك روحت الاسكندرية بس ياريت تختار مكان مناسب.

2- آيس كريم في جليم

آيس كريم في الصيف أو الشتا الكل بيحبه، دلوقتي مش محتاج تنزل تشتري آيس كريم من السلطان أو عزة، ببساطة تشتري جهاز في البيت يعملك الجيلاتي اللي نفسك فيه بالفواكه اللي بتحبها.

3- هوا .. هوا

طبيعي جدًا انك تستعد للحر بتاع الصيف بالتكييف والمرواح اللي هتعوضك عن درجة العالية بالهوا الساقع، الفترة دي لازم تستغل فرص الخصومات اللي نازلة قبل الأسعار ما تزيد في عز الصيف، عند مثلًا تكييف يونيو إير نازل بخصم قيمته 3 الاف جنيه عن سعر الأصلي.

4- تانك يو

طبعًا مش منطقي وانت قاعد في البيت عطشان ميبقاش جنبك المية الساقعة دايمًا، كل ما عليك انك تختار آيس بوكس يحافظ على برودة المية 24 ساعة، وكمان لازم تستخدم الفلاتر لتنقية المياه من الشوائب وتحسن طعم الميه.

5- شورت وفانلة وكاب

القعدة في الصيف ليها طقوس خاصة، زمن البيجامات الكستور انتهى، دلوقتي فيه شورتات وبورنس وملابس صيف في البيت مناسبة جدًا لجو الحر الشديد.

Add comment